1. Vit samlast nú um orðið títt,
o, Gud, vælsigna tað,
títt lov um allar leiðir vítt
vit syngja fró og glað.

2. Tú børnum tínum góður ert
og veitst, hvat gagnar best,
tú miskunn sýnir, hvat tú gert,
hjá tær er sæla mest.

3. Tú, faðir, okkum miskunn sýn,
vit eyðmjúk biðja teg,
send okkum halga anda tín,
leið okkum fram tín veg.

4. Lat orð títt verða boðað her,
so friðleys sál kann sjá,
at Jesu verk tað fullgjørt er,
og sælan friðin fá’.