1. Syngið við okkum, fjøll og líð,
prísið Harranum alla tíð!
Undarlig tykist títt hans ferð,
altíð tó signing okkum ber.
Gud havi lov!
2. Syngið við okkum, land og hav;
alt, vit tørvaðu, Gud oss gav!
Syngið við okkum, stjørnur smá,
syngið við okkum, bylgjur blá:
Gud havi lov!
3. Syngið við okkum, dagur, nátt:
Gud, vár Gud, ger oss einans gott!
Syngið við okkum, børn so smá,
syngið við, tit av elli grá:
Gud havi lov!
4. Syngið við okkum, suður, norð:
frið oss gevur Guds halga orð!
Fara tað lat um lond og havn,
heilsa: »Guds friður í Jesu navn!«
Gud havi lov!
5. Syngið við okkum fjart og nær:
Gud væl inn í hvørt hjarta sær;
finnur hann har ta góðu grund,
gleði hann sáar alla stund.
Gud havi lov!
Yrkjari: Nikolaj F. S. Grundtvig
Umsett: Mikkjal D. á Ryggi
Prenta
Vís akkordir
Goym akkordir