1. Syng um Harran, o, mítt hjarta,
syng nú trúarsongin bjarta,
um hans náði, um hans frið,
um hans djúpa kærleik við.

2. Syng um hann, sum gav tær lívið,
syng um alt, ið tær varð givið,
syng við treysti um tín lut:
Alla æru eigur Gud!

3. Lat tín song úr djúpu dølum
stíga upp mót himnasølum!
Syng við einglafjøldum hátt:
Jesus eigur allan mátt!

4. Syng um sælu jólagleði:
Harrin gekk á foldarvegi,
kom her niður jólanátt,
birti ljós og gjørdi sátt.

5. Syng, so hvør ein sál skal kenna,
at ein dagur skal upprenna,
tá Guds sonur koma skal,
halda dóm um jarðardal.

6.Syng, so øll tað kunnu kenna,
at bert tey, sum skeiðið renna,
Harrin Jesus kennist við
nú og alla ævitíð.