1. Stillur út til Golgata
andi mín man leita,
hvat so broytist, hetta stað
altíð troyst kann veita.

2. Har við krossin er so stilt,
hvíla kann mítt hjarta,
sálin er við friði fylt,
týnd er syndin svarta.

3. Upp til krossar planka eg
troytta høvur halli,
úr hans sárum yvir meg
stillur friður falli!

4. Har á Jesu deyðastað,
hjartablóðið vætir,
har hjá tær er hvíld at fá
fyri tann, sum grætur.