F        Bb/F F      Dm     A/C# Dm
O, um eg kund-i tær, Jesus, prís-a,
    C7/E  F     Gm/Bb         F      
sum eg so fegin vil av sál og sinn,
         Gm/F C/E       F/A Dm
tí at tú vild-i ta náði vís-a
   Bb    C          C7    F
at bjóða mær í himmiríki inn!

        2. Eg gekk í blindum, eg lá í deyða,
og myrkurs púki helt mær dygt og fast.
Tá rópti eg til mín Gud í neyðum,
hann frelsti meg, og myrkurs fjøtur brast.
	3. O Jesus, takk fyri krossin bjarta –
takk fyri deyða tín og mongu sár!
Har fann eg frið í mítt arma hjarta,
og veturin varð til hitt væna vár.
	4. Upp, allir vinir, og takið undir
við lov og prís, tí hann oss hevur loyst!
Í trongd og stríð líða daprar stundir,
men bert eitt lítið bil, o sæla troyst!
	5. Brátt eru heima vit við Guds trúnu,
hvat sakar tá, um sólin okkum sveið?
Tá tjaldbúð fellur, vit fáa krúnu,
og gloymd er neyðin øll á foldarleið.
	6. Tær veri æra, mín Jesus góði,
sum syndabyrðar mínar allar bar!
Tú keypti okkum við tínum blóði,
tók skuldabrævið burt, mót okkum var. 1)
	7. O eydnusæla, nú tín eg eri,
takk, Jesus, takk, at eg kann vera við!
Hitt góða verkið tú nú fullgeri,
inntil eg komi í títt frelsta lið!