1. O, hvør gleði fer at verða,
tá Guds børn øll sleppa heim!
Eingin boð um tað kann bera, 
sum í himli bíðar teim:
Skoða Jesus, skoða Jesus, 
sum tey hevur tikið heim!

 2. O, hvør eydna, o, hvør eydna, 
hava trúgv á Jesus her!
Men ein enntá størri eydna 
hann at síggja, har hann er!
Vera heima, vera heima, 
burt úr sorg og vandaferð.

 3. Hav gott treyst, ver glað í sinni, 
troyttast ei á vegnum heim;
Jesus okkum ber í minni, 
eygu lyft mót himnagleim.
Jesus kemur, Jesus kemur 
brátt at taka síni heim.

 4. Jesu blóð er okkum veðið, 
at Gud miskunnsamur er;
hetta er vár grund til gleði, 
gevur treyst á trúarferð,
til vit koma, til vit koma 
heim, har Harrin Jesus er!

 5. Har vit aldri skiljast aftur, 
tár ei renna kinnum á;
har er altíð hugur lættur, 
ævinlig er sælan tá.
O, hvør eydna, o, hvør eydna, 
altíð vera Gudi hjá!