C      C#    Dm   G7     C
1. Nú er summartíðin gylta, hoyri fagran fuglasong, 
C7         F          G7              C
grasið stendur sveimandi og sóljuskrýtt.
C7          F           E7            Am         Em
Summardáin upp seg toyggir, fagurt er um bø og ong, 
G7      Am   Dm    G7             C
og teg kínir milt um ennið lotið lýtt.

C7        F           G7
Vit tær takka, kæri Faðir, 
          C             E7/H
fyri ársins ljósu tíð fyri lýkku,
 Am        Dm          G7
lív og lit um land og hav. 
          C    G7    C
Mest av øllum tínum kærleika vit 
   F    A7     Dm G7    Am
vilja gleðast í, og tær lova 
        Dm7 G7     C
fyri Sonin, ið tú gav.

2. Tjaldrið spennir sínar veingir og fer flaksandi framvið, 
spógvin titar runt á teigum her og har. 
Ternan verjir væl um ungar sínar: Lat teir fáa frið!
Lundin ytst á egg so spelkin brettir sær.

3. Seyður liggur trygt í haga – sæst um dalar og um skørð, 
pollamjørkin rekur fram við fjallatrom. 
Sólin kagar fram í glottum – setur lit á fjall og fjørð,
Og við sjóvarmálan damlar æðan tom.

4. Sólin setur –kvirra legst um land og kyrrindi um stund, 
ljós er náttin, nú er logn á hvørji vág. 
Eg má lova mínum Gudi, áðrenn eyga fer í blund,
fyri allan vakurleikan, ið eg sá.