1. Inn ríður kongur – sigursferð
í Jorsals føgru borg; 
øll mannamúgvan pálmar ber
og syngur høgtíðssong.
Hosianna, heiður veri tær,
øll heiðra høga gest,
brátt gloymt var alt, mót grøv tað bar,
krossfest, krossfest, krossfest.

2. Ein sorgarferð alt lív hans var,
frá krubbu og til kross;
Sjálvt háð og spott hann tolin bar –
av vini svíkjar'koss.
Ei grøvin meir skal fjala hann,
meg hevur endurloyst,
á synd og deyða sigur vann,
vár sæla vón og troyst.
 
3. Nú frø teg sál, ver hjartansglað,
tað páskamorgun er,
Guds sáttargerð er framd í dag,
tað eingil boð oss ber.
Av grøv er risin Harrin Krist,
í himli hann nú býr,
og frelst er nú hvør sál so vist,
sum her á Jesus trýr.