Aftur ein stutt heilsan úr Kambodia

Vegna teldutrupulleikar er henda heilsanin nústani løgd út. Heilsanin er send 13. juli.


Hey øll har heima! :)

Í skrivandi løtu eru vit í høvuðsstaðnum Phnom Penh. Tá vit seinnapartin í dag koyrdu inn í býin var skjótt staðfest, at vit fingu brúk fyri regnsskjóli og gummistyvlum. Vegirnir í øllum býnum vóru undir í vatni og tað regnaði av grimd. Sum rættir og væl brýndir føroyingar, so tola vit eitt sindur av regni og vera freistaðir at gera demningar í øllum vatninum heldur enn at renna undan.

í morginárini fara vit til Kampot at fyrireika eina legu vit skulu hava í økinum har suðuri komandi vikuskifti. Vit hava fyrireika tann stórsta partin av aktivitetunum, vit skulu brúka á leguni, so nú er fyri tað mesta praktiskar uppgávir eftir at avgreiða.

Øll í toyminum, eisini tey lokalu, sum ferðast saman við okkum, hava tað gott. Toppskoraranum diaré sleppa vit ikki undan og okkurt forkølilsi nú og tá, annars eru øll frísk og væl fyri.

Vit hava ein virkuliga góðan felagsskap, sum vit øll fara at sakna tá vit einaferð eru komin aftur til Føroyar.

Vit sakna tykkum har heima! Takk fyri forbøn, uttan tykkara stuðul var tænastan ikki møgulig.


Kærar heilsanir
Kambodiatoymið - ung